Wong Jawa sugih kawruh bab obat-obatan. Obat-obatan Jawa kuwi diarani jamu utawa obat tradisional. Ing jaman saiki jamu diarani obat herbal. Jamu kajaba kanggo tamba lelara, uga kanggo njaga kasarasan. Wong kang ajeg ngombe jamu, njalari awake ajeg waras.
 |
| Jamu Gendhong |
Wiwit jaman Mataram islam, jamu wis mratah digunakake dening masarakat kanggo tetamba. Jamu diracik saka gegodhongan, oyot-oyotan, empon-empon, babakan uwit, woh-wohan utawa isine. Wong kang pinter ngracik jamu diarani wiku, dhukun, utawa tabib. Jamu didol kanthi diiderke ing omah-omah. Tumrap wong lanang, anggone ngiderke nagnggo dipikul lan tumrap wong wadon digendhong. Mula, tekan seprene jamu kang diiderke kanthi digendhong katelah jamu gendhong.
Jinise jamu gendhong kuwi werna-werna, kayata cabe puyang, kunir asem, beras kencur, sinom, kunci suruh, kudhu laos, jamu paitan, lan uyup-uyup. Saben jamu bahan lan carane nggawe beda-beda. Dene carane ana sing kabeh bahan digodhog sepisan lan ana sing nagnggo dipipis, banjur diperes nganggo jarang anyep.
Saben jamu duwe kasiyat dhewe-dhewe. Beras kencur, kasiyate kanggo ngilangke pegel-pegel, linu, lan nambha nepsu mangan. Kunir asem, kanggo tamba sariawan, panas dalam, nglancarake haid. Cabe puyang kanggo tamba pegel linu ing boyok, gringgingan. Jamu paitan kanggo tamba kencing manis, gatel-gatel, cuci darah, ngedhunake kolesterol, jerawat, lan ngilangke ganda kringet. Kudhu laos kanggongedhunke tensi, nglancarake iline getih lan nambah nepsu mangan. Uyup-uyup kanggo ngedhem weteng, ngilangke ganda kringet, lan nglancarake ASI.
Sumber: Buku Sinau Basa Jawa Kelas 6 SD/MI, Penulis: Suharyana, dkk., Penerbit: Yudhistira
Tugas:
Tulisen jinising jamu gendhong (pilih 3) lengkap karo kasiyate!
Tidak ada komentar:
Posting Komentar