TATA TRAPSILANE MERTAMU
Bima nampa wulangan ing sekolahan bab mertamu. Wong mertamu iku nganggo tatacara, trapsila lan subasita. Sepisan, wektune aja esuk banget, aja tengah awan, lan aja pas surup. Kaping loro, nyandhang panganggone sing sopan. Kaping telu, thothok-thothok lawang cukup ping telu, aja seru-seru. Yen wis dimanggakake banjur ngucap salam. Kaping papat, lungguh yen wis didhawuhi dening sing kagungan dalem. lungguhe ora kena tumpang sikil, apa maneh jegang. Kaping lima, polatan ora kena jelaladan. Kaping enem, yen disuguh njupuk panganan nganggo tangan tengen. Kaping pitu, nalika mangan ora kena nganggo geguyon lan ora kena kecap. Nalika mangan tutuke singkem.
Tumrap wong sing nampa tamu uga nganggo tatacara, trapsila lan subasita. Tamune dijagongi kanthi ulat bening, sumeh, lan sumanak. Tamune disuguh., dicaosi unjukan lan dhaharan. Yen nyaosi unjukan didhisikake tamune, aja didhisikake awake dhewe.
Mertamu kudu eling marang unggah-ungguh. Sing kagungan dalem kuwi sapa, enom apa tuwa, pangkate apa. Yen tuwa tur pangkate dhuwur kudu nganggo basa krama alus. Pamilihe tembung lan basane kudu ing trep. Ora kena malah mbasakake awake dhewe. Pangucape tembung kudu alon lan wijang. Rai rodo ndungkluk, ora kena ndangak. Mertamu aja suwe-suwe. Yen suwe, anak kalane banjur ora ngugemi ing tatakrama. Yen wes cukup sedyane banjur njaluk pamit.
Mengkono wulangan sing ditompo Bima. Bima kepingin bisa nindakake wulangan mau. Bima isin yen nganti disaruwe dadi bocah sing oora duwe trapsila, tata krama, lan unggah-ungguh.
Sumber: Buku Sinau Basa Jawa Kelas 6 SD/MI, karangan Suharyana, dkk., terbitan Yudhistira (2019), kaca 40.
Penugasan:
Praktikna tata carane mertamu ing ngisor iki.
1. Sepisan
 |
| 1 |
2. Kaping pindho
 |
| 2 |
3. Kaping telu
 |
| 3 |
4. Kaping papat
 |
| 4 |
5. Kaping lima
 |
| 5 |
6. Kaping enem
 |
| 6 |
Tidak ada komentar:
Posting Komentar