MATERI BAHASA JAWA KELAS 6 SD/MI-MUSEUM YOGYA KEMBALI

 KD 3.1 Memahami teks deskripsi tentang museum dan peninggalan sejarah.

        4.1 Menyampaikan teks deskripsi tentang museum dan peninggalan sejarah.

Ayo semaken wacan iki!

Museum Yogya Kembali

Dina rebo klase Bima belajar luar sekolah menyang Monumen Yogya Kembali. Mangkate jam 09.00, tekan monumen jam 10.15. Bocah-bocah didumi tiket banjur antri mlebu ing monumen.

Monumen Yigya Kembali dumunung ing Jongkang, Sariharjo, Ngaglik, Sleman. Monumen Yogya Kembali pinangka tetenger sejarah mundure tentara Walanda saka Ngayogyakarta tanggal 29 Juni 1949. Monumen dibangun awit prakarsane Kolonel Sugiyarto, wali kota Ngayogyakarta wektu kuwi. Peresmian monumen lan tandha tangan prasasti tanggal 6 Juli 1989 dening Presiden Soeharto.

Bocah-bocah mlebu njujug ing taman sisih ngarep. Ing taman dipajang meriam gawean Rusia lan replika pesawat guntai lan pesawat cureng kang nalika semana digunakake kanggo penyerangan.

Tekan ngarep monumen Pak Guru dhawuh supaya bocah-bocah ora pisah karo klompoke. Saben klompok diparingi lembar tugas sing kudu digarap. Sawise kemput anggone padha maspdakke isine monumen, banjur bali ing sekolahan. Tekan sekolahan ora terus padha mulih, nanging nggarap laporan.

Sumber: Sinau Basa Jawa Kelas VI SD/MI kaca 3, Penerbit Yudhistira. 

Ayo semaken wacan iki!

Candhi Prambanan

Candhi Prambanan iki patilasan kuna. Digawe udakara tahun 850 Masehi, jamane Prabu Rakai Pikatan ing Mataram Kuna. Candhi iki uga diarani Candhi Rara Jonggrang. Candhi Prambanan mujudake candhi Hindu paling gedhe ing Indonesia. Dununge ing desa Bokoharjo, Kecamatan Prambanan, Kabupaten Sleman. Kurang luwih pitulas kilometer saka punjering kutha Ngayogyakarta.

Candhi Siwa

Candhi Prambanan kadadean saka pirang-pirang candhi, cacahe kurang luweh ana 240 candhi. Candhi sing gedhe dhewe yaiku Candhi Siwa. Candhi Siwa diapit candhi loro sing luwih cilik yaiku Candhi Wisnu lan Candhi Brama. Candhi telu iku diarani Trimurti, tegese telung wujud, yaiku Siwa, Wisnu, lan Brahma. Urut mubeng sikile Candhi Siwa diukir-ukir wujud relief apik banget. Relief iku nyritakake crita Ramayana, yaiku critane Prabu Rama lan Dewi Sinta.

Candhi Trimurti ing Kompleks Candhi Prambanan

Cabdhi Prambanan kalebu situs warisan dunia ENWSCO. Candhi Prambanan dadi bukti dhuwuring kabudayan bangsa Indonesia. Leluhur kita pancen sregep makarya. Klakon gawe candhi sing apik tur gedhe banget. Mangka jaman semana durung ana piranti moderen kaya jaman saiki. Kabeh mau ditandangi kanthi gotong royong lan guyup rukun.

Sumber: Sinau Basa Jawa Kelas VI SD/MI kaca 108, Penerbit Yudhistira.